Góðann daginn, já loksins kom hann litli frændi í heiminn. Hann fæddist semsagt á föstudagsmorguninn kl. 9.12 og var 15 merkur og 53 cm. Allt gekk vel og öllum heilsast vel. Við mamma fórum auðvitað upp í hreiður að heimsækja hann seinnipartinn á föstudag og það var alveg frábært að fá loksins að sjá hann, alveg langsætastur og algjört krútt með galopin augun og krúttlegt nef. Alveg yndislegt að halda loksins á honum í fanginu  Innilega til hamingju með gullmolann Siggi og Sif  Set inn mynd af mér og honum hér á síðuna fljótlega. Annars var helgin mjög viðburðarík. Fyrir utan auðvitað fæðingu lítla frænda, því ég fór í 2 útskriftarveislur. Á föstudagskvöldinu fór ég í útskrifatarveislu til Guðnýjar og þar var bara gaman og á laugardeginum fór ég í útskrift og útskriftarveislu hjá Kamillu, fékk að knúsa Svanhildi litlu frænku smá í veislunni, hafði ekki séð hana svo lengi. Þaðan brunaði ég ásamt Evu austur fyrir fjall á stað sem heitir Þingborg, en það er félagsheimili sem Ný-ung leigði þessa helgi en flestir fóru þangað á föstudeginum, en við komum bara á laugardagskvöldinu. Þar var grillað og horft á eurovision og skemmt sér fram eftir nóttu, sumir spiluðu póker, sumir fóru í pottinn, sumir spjölluðu, sumir duttu í það og justin spilaði á gítar. Semsagt fínasta helgi og nóg um að vera. Jæja, hef ekki meira að segja í bili, Aðalbjörg Gunnarsdóttir- sem líður bara nokkuð vel.

Já, loksins kom fríið!!!! Síðustu dagar hafa líka bara farið í afslöppun að mestu hér heima fyrir. Eins og ég sagði í síðustu færslu hlakkaði ég meðal annars til að geta kúrt með Hössa, enda nýt ég þess núna að kúra með Hössa án þess að þurfa spá í því hvað klukkan er, sjaldan líður mér eins vel og í faðminum hans  Annað sem ég hlakkaði líka til að geta gert var að hitta vini og jafnvel fara eitthvað. En t.d. kíkti Jóna vinkona hérna til okkar á fimmtudeginum en hún var í bænum í nokkra daga og gaman var að fá hana í heimsókn, kíktum líka smá með henni í Kringluna en þó ekkert verslað en ég stefni þó á bæjarferð fljótlega þar sem mér langar í nokkra hluti  Á laugardagskvödlinu skelltum við Hössi okkur svo í bíó með Leif og Minnu að sjá Made of honor, hún var fín og líka gaman að hitta þau. Að öðru leiti hefur maður lika mikið bara verið "chilla" hér heima t.d. á netinu, horfa á sjónvarpið, lesa, hlusta á tónlist o.s.frv. En að allt öðru, litli frændi sem átti að koma 11 maí en ég vildi fá 10 maí er ekki ennþá fæddur, vill greinilega ráð sínum degi algjörlega sjálfur. Ég spái því að hann komi á föstudaginn, þ.e. 16 maí. Spurning hvort honum líst vel á þann dag eða hvað. Það verður alvega soldið forvitinilegt að sjá þennan einstakling sem er búinn að vaxa og dafna í bumbunni á Sif í allan þennan tíma   En jamm, fríið er að taka enda í bili því ég fer að vinna á morgun og hinn, það verður samt bara gaman enda elska ég vinnuna mína en hef notið þessa kærkomnu frídaga og mun njóta frísins um helgina líka   En jæja, ætli þetta sé ekki komið gott í bili, hafið það sem allra best.
Aðalbjörg Gunnarsdótttir- sem elskar að vera í fríi 

Halló, já ansi stutt í fríið eða eins og titillinn gefur til kynna, innan við sólahringur  Akkurat núna eru hámark 15 tímar í frí, líklegast bara 14. (15 ef ég nýti aukatímann minn en 14 miðað við venjulegan tíma). Annars er lesturinn fyrir þetta próf ekki búin að vera sem verstur enda efnið áhugavert! En ég er semsagt að fara í próf í áfanga sem heitir fötlun og samfélag. Persónuleg reynsla af málaflokknum er e.t.v. stor hluti af því hve áhugavert mér þykir efnið, gaman að fá ný sjónarhorn og læra jafnvel eittvað sem maður vissi ekki af eigin reynslu, þó maður teldi sig nú vita mikið! Seta í þessu námskeiði hefur líka aukið áhuga minn á því að starfa jafnvel á þessum vettfangi í framtíðinni, en fram að þessu hefur það ekkert sérstaklega heillað mig umfram annað enda fjölmargt í boði að loknu félgasráðgjafanámi. Ég er alveg gífurlega spennt að komast loksins í frí eftir þessa miklu námstörn síðastliðinn mánuð og geta loksins slappað af og gert það sem mér langar til að gera!!! Mér dettur ýmislegt í hug t.d. hlakka ég rosalega til að geta kúrt ótakmarkað með Hössa, horft á tv eða verið á netniu án þess að hafa ákveðinn tímaramma sem segir að ég verði að hætta til að fara læra, að geta loksins farið í bíó, út að borða, skellt mér í smá verslunarleiðangur, hitt vini, farið og knúsað Svanhildi litlu frænku og hitt alla hina þar, knúsað litla frænda sem aðeins nokkrir dagar eru í (4 dagar samkvæmt settum degi) o.s.frv. Já spennandi og notarlegir dagar framundan. Ætli ég láti þetta ekki duga í bili, skrifa fljótlega og segi frá fyrstu dögum frísíns og mögulega fréttum af litla frænda.                                                                                                                   Aðalbjörg Gunnarsdóttir - sem er alveg að komast í frí

Góða kvöldið, glataði bloggarinn ákvað að skella inn einni færslu og lofar að vera duglegri með það héðan í frá.    Síðustu vikur hafa bara verið frekar kreisí vegna verkefnaskila og próflesturs. Var í einu prófi í gær og er svo að fara í annað í næstu viku og svo er ég komin í frí!!!! Gekk ágætlega í prófinu í gær, vonandi nógu vel til að ná! Byrjaði í rólegheitum að lesa undir prófið í næstu viku núna í dag og dagarnir fram að því verða undirlagðir í próflestur frá morgni til kvölds. Ég er semsagt komin í frí á hádegi á fimmtudaginn, semsagt þann 8 maí og get sko ekki beðið!!!! Ég hef verið frekar kvíðin enda mikið álag vegna skólans og annars en vonandi fer mér að liða betur þegar ég get slakað aðeins á og gert eitthvað skemmtilegt! Ég er líka búin að lofa Hössa miklu kúri og kossum en ekki hefur verið mikill tími fyrir slíkt undanfarið  Það verður gott að geta sofið út, farið eitthvað og gert eitthvað skemmtilegt, hitt vini, heimsótt sætu litlu frænkurnar og litla frændan þegar hann kemur osfrv. án þess að hafa áhyggjur af því hvað tímanum líður. Fyrsta vikan verður alveg frí, svo fer ég reynar að vinna í 2 daga í vikunni þar á eftir (14 og 15 maí) en ekki alveg komið á hreint hvenær ég byrja að vinna alla virka daga eins og ég mun vera vinna í sumar. Annars er ég rosa ánægð í vinnuni minni og þvílíkt þakklát fyrir hana, það er búið að vera frábært að fá að vera svona 1 dag í viku núna í vetur og vonandi get ég gert slíkt hið sama næsta haust. Hlakka samt til að fara vinna alla daga og hlakka líka til sumarsins, á góðar minningar frá vinnuni síðan síðasta sumar þegar það var hiti og sól og við með alla krakkana úti í garði! Hlakka líka til að kíkja norður með Hössa eins og við gerðum í fyrra en við stefnum á ða gera það í sumar enda voru það svo dásamlegir dagar sem við áttum þar síðasta sumar!

Fyrir utan að hlakka til frísins er spennandi dagur framundann, þ.e. litli frændi á að koma í heiminn 11 maí, maður er nú orðinn soldið forvitinn að sjá hvernig hann lítur út en ég efast nú samt ekki annað en að hann sé langsætastur! Mamma er á leið á Reykjalund í nokkrar vikur svo við Hössi verðum að sjá um kotið, spennandi verður að sjá hvernig það mun ganga

Jæja, ætli þetta sé ekki barasta komið gott i bili, hafið það gott.
Aðalbjörg Gunnarsdóttir sem þráir ekkert heitar en að komaast í frí og fara líða örlítið betur!

Góðann daginn!   Finnst ekki ganga að vera glataður bloggari lengur og hef því ákveðið að vera duglegri að skrifa. Ekki mikið að frétta síðan síðast. Þó ein sorgarfrétt, Magga (Margrét Finnbogadóttir) sem var stuðningurinn minn (og reyndar Hössa líka) upp allan grunnskólann var að deyja núna á þriðjudaginn. Það olli mér mikilli sorg, hún var svo frábær og ég veit ekki hvar ég hefði verið án hennar öll mín grunnskólaár. Margar góðar minningar koma upp í hugann.  hún svo hinsvegar alltof ung (61 árs) og ég finn til með fjölskyldu hennar, vinum og samstarfsfólki. Einnig þykir mér leiðinlegt að geta ekki boðið henni í útskriftina mína í háskólanum eins og ég bauð henni þegar ég útskrifaðist úr Flensborg og get ekki heldur boðið henni í brúðkaupið mitt.  Ég er búin að hugsa mikið til hennar síðustu dagana og vona að henni líði vel!
Yfir í annað og gleðilegra, nú er aðeins mánuður í litla prinsinn, a.m.k mánuður í settan dag, spurning hvað hann ákveður ða gera.Ég mæli með því að hann komi samt 10 maí. Þá eru öll krúttin fædd 10 einhvers mánaðar. Þ.e. Alma Ýr er fædd 10 október, Svanhildur er fædd 10 janúar og því væri alveg tilvalið að litli prins kæmi 10 maí. En það kemur svosem bara allt saman í ljós. Það verður nú gaman að fá að sjá hann og hafa hann í fanginu, nýfædd kríli eru svo sæt! Það sem meira er að nú er innan við mánuður í frí, það hefur kosti og galla, þ.e. brjálað að gera næstu vikur en styttist í frí  Planið um helgina sem er framundan er nú aðalega að læra enda skýrsluskil á mánudag! Svo er örlítil pæling að kíkja á hæfileikakeppni Sjálfsbjargar í kvöld og svo er það matarboð hjá Leif og Minnu á sunnudaginn, þar sem mér skilst að Minna ætli að elda og Leifur ætli að segja brandara! Þangað til síðar....Aðalbjörg Gunnarsdóttir - í gleði og sorg.

Góðann daginn. Mér fannst kominn tími til að skella inn eins og einni færslu, þar sem ég hef verið frekar léleg við að skrifa! Ekki beint mikið né merkilegt að frétta! Bara nóg að gera í verkefnum fyrir skólann, bara  1 og hálf vika eftir í venjulegum skóla og svo kemur upplestrarfrí, á eftir að skila af mér 6 skýrslum, 1 tveggja manna ritgerð, 2 einstaklingsverkefnum og 1 hópverkefni, samt langt komin með margt af þessu en engu að síður bissí dagar framundan! Svo ég tala nú ekki um bissí vikur þegar kemur að upplestrarfríinu. Fer í 2 próf, 2 og 8 maí, get ekki beðið eftir að komast í frí!! Orðin frekar orkulaus + mér líður ekki alltof of vel og því verður fríið kærkomið!  Við mamma vorum ansi duglegar síðasta miðvikudag og heimsóttum báðar prinsessurnar, fyrst fórum við til Hilmars og Ólafar og knúsuðum Ölmu Ýr, hún er algjört krútt, brosti og hló og lék sér með dót! Hún stækkar ekkert smá hratt, svo stutt síðan hún var ponsulítiil en hún verður víst 6 mánaða á morgun! Svo fórum við um kvöldið til Höllu til að knúsa Svanhildi, hún er ekkert smá sætust! Knúsaði líka Sigga sæta, sem er reyndar ekkert lengur litli prinsinn minn, bæði er hann orðinn 8 að verða 9 ára + það að hann er að ná mér  í centimetrum!!!! Saga sæta kom svo meðan við vorum þarna. Jæja, segi það gott í bili, tíminn búinn og svo bara vinna í dag. Ég bara spyr, hver pantaði þennan snjó????? Ég er sko ekki sátt, því ég þarf að fara út í vinnuni í dag!!!!!

Kv. Aðalbjörg.

Urrrrrrrrrrrrrrrrrrrrrrrrrrrrrr Fokking backspace takki á tövunni eyddi langri flottri færslu, nú er ég orðin svo pirr að ég nenni ekki að skrifa neitt aftur!!!!!

Gleðilega páska.

Skrifa síðar.

Aðalbjörg Gunnarsdóttir - Mega pirripú

Góðann daginn

Ég sit hér í drepleiðinlegum tíma og ákvað því að blogga smá. Loksins er að koma helgi!!! Vikan er annars búin að vera frekar róleg, hún hefur aðalega bara farið í skóla og vinnu. Ég er loksins komin í gang með að vinna í verkefnum og gleður það svakalega mikið enda einbeiting verið af skornum skammti. Svo er auðvitað alltaf stuð í vinnuni, enda frábærir krakkar og gott samstarfsfólk. Annars verður helgin nokkuð góð sýnisst mér en ég segi nánar frá því næst  Annars skelli ég mér nú í bíó á miðvikudagskvöldið með Jónu og Völu, fórum á myndina 27 dresses. Hún var bara nokkuð góð, fyndin og rómó. Ekki myndi ég nenna að vera brúðarmær í 27 brúðkaupum, þó ég væri nú alveg til í að prófa það 1 sinni. Mesta sportið væri nú auðvitað að vera brúðurin sjálf en það kemur kannski að því einhvern daginn.  Eins og þið sjáið er ég búin að breyta lúkkinu, var búin að fá nóg af hinu og blár líka uppáhalds liturinn minn. Setti líka inn 2 myndir af Svanhildi sætustu, úr skírninni, þær voru reyndar ponsu óskýrar en hún svo mikið krútt að ég ákva að setja þær samt inn. Maður er nú aðeins farinn að sakna hennar, við mamma verðum að fara kíkja í heimsókn til að fá að knúsa hana aðeins. Jæja, ég hef nú ekkert meira að seja, ætla reyna halda út þennan blessaða tíma og koma mér svo heim að læra eða slappa af, allt eftir stemnigu! Vona að þið munið eiga góða helgi eins og ég ætla mér að eiga! Aðabjörg Gunnarsdóttir - sem elskar helgarfrí

Góða kvöldið! Ég skrifaði hér í síðustu færslu hvaða skemmtilegur hluti ég væri að fara að gera á laugardeignum og ég verð nú að koma með smá punkta um þann dagg. Dagurinn var í heild sinn yndislegur, langt síðan mér leið svona vel! Skírnar athöfnin var falleg og litla prinsessan fékk nafnin Svanhildur og heitir því fullu nafni Svanhildur Gísladóttir, fer henni bara vel. Hún svaf mest allan tímann og það var ekkert smá sætt þegar það var tekin mynd af allri fjölskyldunni með þennan nýja fjölskyldumeðlim. Síðan var haldið heim til Höllu og Gísla þar sem haldin var skírnaveislan hennar Svanhildar og afmælisveislan hennar Sögu, svona sameiginlega, þar voru góðar veitingar í boði og svo fékk maður að hafa Svanhildi aðeins í fanginu sem var nátla best í heimi enda er hún gullfalleg og manni þykir bara heilmikið vænt um hana strax og hún er ekki nema rúmlega mánaðar gömul  
Eins og kom fram í síðustu færslu var svo planið um kvöldið að við Hössi færum rómó út að borða, í tilefni þess að við erum búin að vera saman í 2 ár. Þetta var nu rómó og fyndið í senn þessi ferð okkar á Caruso. Við byrjuðum á því að keyra  um til að reyna fá stæði nálægt sem var ekki að ganga svo við lögðum svolítið langt frá, fatlaða stæðið sem næst var Caruso var upptekið, svo ég lagði í annað sem ég mundi eftir, en við þurftum þá að rölta smá spöl í rigningunni og vorum orðin 10 mín of seint, áttum sko pantað borð kl 7. Fyrir þá sem ekki vita þá er Caruso í gömlu húsi, aðgengið inn í húsið er 100% en aðgengið innandyra fær kannski ekki topp einkunn. Frekar þröngt er inn á staðnum auk þess sem slæmur gamaldags þröngur tréstigi liggur upp á næstu hæð þar sem meðal annars er setustofa, þar er t.d. fólki boðið að sitja og fá sér t.d gosglas eða vínglas meðan beðið er eftir borði, sé einhver bið. Jæja, við komum þarna 10 mín of seint, en er sagt að það sé svona 10 mínútna bið og er okkur þá vísað upp í setustofuna, við komumst nu alveg þangað upp en það tók smá tíma, þegar við vorum komin upp velti ég þvi mikið fyirr mér hvernig Hössa gengi að komast niður aftur, hafði minni áhyggjur af mér. Sá sem tók á móti okkur var mjög elskulegur og þótti mjög miður allt vesenið, sér í lagi þegar hann kom og sagði okkur að borðið væri tilbúið og Hössi settist niður og ýtti sér niður stigann á rassinum, mjög rómó eða þannig  En við erum nú bara vön svona og kipptum okkur ekkert upp við þetta, hlóum bara að þessu. Svo pöntuðum við matinn og áttu rómó stund meðan við biðum eftir honum og meðan við vorum að borða. Eftir það var okkur boðinn eftirréttur sem átti að vera í boði hússins vegna alls vesensins, haha. Við sögðum auðvitað ekki nei og pöntuðum okkur saman fljótandi súkkulaðiköku ásamt ís, rjóma og jarðaberjum, alveg dásamlega gott! Það er alveg bókað mál miðað við alla rómantísku stemninguna, góða matinn og frábæru þjónustuna, þrátt fyrir aðgengisvanda að hluta að við förum þarna aftur. Við röltum út og áleiðis að bílnum og ræddum um frábæra matinn og þjónustuna og rómó stemninguna og allt var svo dásamlegt, þegar Höskuldur ákveður að hrynja um eina kantsteinninn sem stendur aðeins uppúr, sem ég btw varaði hann við en hann hlustaði ekki, í veikri von rétti ég út hendina, með það í huga að hann næði mögulega að grípa í hana og myndi því ekki detta, en í staðin fyrir að hjálpa, kýli ég hann í andlitið í miðju falli, beint á munninn og svo hrinur Höskuldur í jörðina og einhverjir túristar koma og hjálpa honum upp og ég sé mér til skelfingar að það er að blæða úr honum milli tveggja tanna. Þarna var öll rómantísk stemning úti fyrir mér. Hössa tókst meira segja að detta aftur stuttu seinna og við ekki enn komin að bílnum. Allt fór þó vel að lokum, hætt var að blæða þegar við komum heim, ég var hætt í paniki og við náðum að skapa rómantíska stemningu aftur, með kertum, tónlist og .....ýmsu fleiru.
Vikan er annars búin að vera bara ágæt. Ég er orðin lang sætust, fór í plokkun á mánudaginn og neglur í morgun. Það sem hefur að öðru leiti staðið upp úr í vikunni er að ég skellti mér í bíó á þriðjudaginn með Hrafnhildi, fórum að sjá myndin P.S. I LOVE YOU, hún var alveg dásamlega falleg, gleði og sorg í bland. Ég á bókina og er búin að lesa hana nokkrum sinnum og hlakkaði því mikið að sjá myndina þegar ég sá að hún væri að koma, aðalleikarinn var sjúklega sætur og einn annar leikari líka  og Hilary Swank lék frábærlega og skilaði þessu hlutverki vel. Áðan komu svo Hilmar, Ólöf og Alma Ýr í heimsókn. Það var gaman að sjá sætustu frænku eins og alltaf! Hún var bara hress mest allan tímann, starði alveg á mann (örugglega að spá hvaða skrítna manneskja þetta væri, semsagt ég  ) og var líka voða upptekin af að skoða allt í kringum sig, svo sætust! Það er ekkert smá gaman að hafa hana aðeins í fanginu og knúsa hana og kyssa. Annars er ég Hössalaus í augnablikinu, hann ákvað að kíkja astur í 2 daga því hann er í fríi á morgun. Ég er hinsvegar í vinnunni allan daginn, starfsdagur, svo það hentaði ágætlega. Hann kemur svo heim á laugardaginn, verð að játa að ég sakna hans smá en þetta er fljótt að líða og ég hef feikinóg að gera þangað til.  Ætli ég hafi nokkuð meira fram að færa að þessu sinni. Góða nótt og hafið það sem allra best! Aðalbjörg Gunnarsdóttir-hin hressasta.

Góða kvöldið. Loksins er komin helgi! Vikan hefur nú samt verið ágæt, bara svona venjuleg vika, skóli, vinna og afslöppun þess á milli. Ég fór reyndar á hárgreiðslustofuna á þriðjudaginn og er orðin dökkhærð (samt bara svona passlega). og fór líka í klippingu, rosa ánægð með litinn og klippinguna. Ég er því orðin rosa sæt! Við mamma skruppum líka aðeins í Kringluna í gær (fimmtudag) að kaupa skírnargjöf og afmælisgjöf. Helgin lofar góðu, við Hössi áttum kósí kvöld í kvöld, horfðum á tv og dvd, kúrðum og spjölluðum. Langt síðan við höfum notið okkar svona heilt kvöld saman og bara eintóm hamingja og enginn pirringur  Á morgun erum við mamma að fara í skírn hjá litlu frænku, en það á semsagt að skíra litlu prinsessuna þeirra Höllu og Gísla, síðan verður skírnar-/afmælisveisla því Saga varð 13 ára í gær (14 feb), ótrúleg alveg hreint, virkar svo stutt síðan ég var að sjá hana í fyrsta skitpi, hún þá 1 og hálfs árs algjört krútt og ég 12 ára, ég get nú ekki gert ráð fyrir öðru víst ég hef elst að hún geri það líka, því nú er hún orðin 13 og ég 24, en hún er nú ennþá jafn sæt  Það breytist ekkert milli 1 árs vs 13 ára! En jamm, það verður gaman að fá að taka þátt í þessum gleðilega degi með þeim! Um kvöldið erum við Hössi svo að fara út að borða saman því við erum búin að vera saman í 2 ár núna á sunnudaginn (17.feb), miðum allavega við þann dag og erum þá líka búin að vera trúlofuð í 1 ár. Ætlum því að fara rómó út að borða og svo hafa rómó stemningu hér heima eftir það, hlakka mikið til!!!  Þessi dagur verður barasta æði, sýnist mér bara miðað við dagskránna! Sunnudagurinn verður aðeins rólegri, líklegast kíkt á Ný-ungarfund og lært eitthvað! Eins og ég sagði er ég orðin rosa sæt um hárið en verð ennþá sætari í næstu viku en þá kemst ég í plokkun og neglur. Jæja, ætli ég hafi nokkuð meira merkilegt að segja hér í bili! Hafið það gott þið sem lesið, njótið augnabliksins því það er dýrmætt og verið þakklát fyirr hvort annað, jafnvel þótt eitthvað við aðra manneskju pirri þig, reyndu þá að muna alla kostina sem sama manneskja hefur að geyma og hugsaðu þér hve lífið væri miklu fátæklegra án hennar! Takk fyrir mig, Aðalbjörg Gunnarsdóttir-Sæta og þakkláta